የኢኮኖሚ ችግር ላለባቸዉ ሴት ተማሪዎች ድጋፍ ተደረገ

Dhaabbanni tola ooltummaa “Siiqqee Women’s Development Association” jedhamu barattoota shamarranii harka qalleeyyii ta’aniif deeggarsa godhe. Deeggarsichis maashina kooppi 1, kompiiwutara 3, iskaanara 1, waraqaa dosxaa 10, fi qarshii hojii ittiin jalqabuuf ta’u kuma afurtama (40,000) dha. Kaayyoon deeggarsichaas barattoonni kunneen haalli mijeeffameefi meeshaalee fi qarshii deeggarsaan kennameef kanaan hojjatanii diinagdee itti fufiinsa qabuun akka of deeggaran taasisuun barnoota isaanii danqaa male akka baratan taasisuu akka ta’e daayreektarri daayreektooreetii Ittisaa fi To’annoo Dhukkuboota Daddarboo fi HIV/ AIDS aadde Tigist Takluu ibsaniiru. Dhaabbatichi erga hundeeffamee waggoota 25 kan lakkoofsise yoo ta’u dubartoota diinagdeedhaan ga’oomsuu irratti xiyyeeffatee guutuu biyyattii keessatti hojjataa akka jiru fi gara fula duraattis dhimma kana irratti xiyyeeffachuun Yuunivarsiitii Mattuu waliin hojjachuu akka barbaadan sirna walharkaa fuudhiinsaa irratti kan argaman itti gaafatamaan sagantaa dhaabatichaa Obbo Galaalchaa Nagaasaa ibsaniiru. Itti gaafatamaa waajjira I/A pireezidaantii dhimmoota barnootaa kan ta’an obbo Saabiit Zeeynuu deeggarsichaaf maqaa yuunivarsiitichaatiin galata erga dhiheessaniin booda fuldurattis yuunivarsiitichi dhaabbata kana waliin hojjachuuf fedhii guddaa akka qabu ibsaniiru.